prime2
pri|me
[FO]
-
adi.num., pron.num.
viôt prin
:
cjoli la aghe te fontane che e jere sul cjanton de prime cjase dal paîs (Riedo Pup, Chei di Martrent);
a jerin dôs sentis lungjis, di len: une ca e une là vie. Su la prime di chestis o sin lâts a sentâsi (Meni Ucel, Gnot di Avost)
-
s.f.
spetacul teatrâl o cine presentât al public pe prime volte:
tra lis oparis plui rapresentadis, o volìn ricuardânt une, "Amôr in canoniche", che e à cuasi 50 agns. La prime al teatri Benini di Codroip tal 1921 (Bepi Agostinis, Storie e cronistorie dal teatri in Friûl)
-
s.f.
classe dal an iniziâl di un cors di studis:
e jere juste in prime la mestrine bionde che e cjantave lis silabis insiemi cui piçui (Dino Virgili, Emme come mamma)
-
s.f.
(ancje fig.)
categorie plui cjare e plui di cualitât di un prodot o di une servizi, viôt prime classe
:
si è cjatât sentât suntun vagon di prime (Antoni Beline, Pre Pitin)
-
s.f.
rapuart plui bas di un cambi di motôr:
al à sfondât la rimesse cu la marcje indaûr tal puest di meti la prime (Cristina Noacco, Faliscjis)
-
s.f.
viôt prime posizion
:
domandâi cun sumission il so permès e disponisi tirâts cu lis mans in prime (Ivano Urli, Storie di Min)
Proverbis:
- e je prime la cjamese dal vistît