premiâ
pre|mi|â
[AF]
-
v.tr.
dâ un premi, un ricognossiment o un compens par vie di un merit:
al veve puartât la sô rapresentative a vinci il titul nazionâl e al jere stât premiât tant che miôr zuiadôr talian de categorie (Stiefin Morat, Gjeometriis);
al podeve cjapâsi une incariche di grande delicatece e fiducie: i superiôrs no si dismentein e a san premiâ cui che sal merte (Pieri Menis, Il «comandatôr»);
i imperadôrs a àn premiade la fedeltât di Popon cun vilis, cjistiei e dirits che cumò a son dal patriarcjât (Diego Navarria, Popon, la basiliche gnove e la lote cuintri di Grau)
Var. premeâ
-
dâ alc in plui rispiet che a altris, ancje no par vie di un merit:
che Selmo di Poldo al fos rivât adore di meti sù famee nissun lu pensave; nancje so pari che, tratantsi di sistemâlu, lu varès premiât plui di chei altris fîs (Pieri Menis, Il fi de Rosse)
-
v.tr.
(fig.)
dâ une sodisfazion, un compens ancje imateriâl:
ancje par Min, di cuant in cuant, la domenie e veve colôr. Il so spietâ, durât setemanis o mês, al vignive premiât (Franca Mainardis, Aiar di cjase)
Sin. paiâ
, compensâ
, ricompensâ
, ripaiâ
-
v.tr.
(fig., ancje ass.)
meti intune cundizion di favôr, procurâ un vantaç:
la democrazie nus insegne che, no partecipant, si premie chei che a àn in man il podê, che lu dopraran instès cence di nô e cuintri di nô (Antoni Beline, Strategjie eletorâl);
il lavôr di scuadre al premie simpri (Walter Tomada, Patrizia Pavatti. La scuele furlane tal 2030? «Pardabon plurilengâl»)