preistoric
/-ò-/
pre|is|to|ric
[CO]
-
adi.
de preistorie, di prime che l'om al tacàs a scrivi:
la zone di S. Vît dal Tiliment e je siore di olmis archeologjichis di diviersis epochis che a van de ete preistoriche fint al periodi roman e rinassimentâl (Venusia Dominici, Giovanni Filippo Rosset, I tesaurs di S. Vît dal Tiliment);
il sît protostoric di Palût de Livence, famôs pes palafitis preistorichis, al è deventât patrimoni mondiâl de Unesco (Walter Tomada, Ancje Cividât e devente Patrimoni Mondiâl de Umanitât)
-
ancje di prime che al esistès l'om:
stegosaurs e altris dinosaurs preistorics (Checo Tam, Ombris)
-
adi.
(fig., scherç.)
une vore vecjo:
al ero plui o mancul dut compancj a cuatri ans prin. Stessos cjadreos ans 50 (parcè che es ero dai ans 50), stes cjâf spelât di cjamoç preistoric soro de puarto (Fulvio ReddKaa Romanin, Geologicamente impossibile)
Sin. antîc
, antidiluvian
, dai timps di Marco Caco
, medievâl