possade /-à-/ po|ssa|de [CO]
-
s.f.
ognidun dai struments, pal solit di metal, che a coventin a taule par cjapâ sù, tignî, taiâ, puartâ in bocje il mangjâ:
"Tu, Line, finìs di meti a puest i plats e lis possadis, a mancjin i pirons e i curtìs grancj." (Maria Gioitti del Monaco, La code di stran);
in chê sere su la taule, dongje de scudiele e dal plat e des possadis di Nart, Mariute e metè ancje chês di Linç (Dino Virgili, La division)
Sin. curtìs ipon. , sedon ipon. , piron ipon. - s.f. complès di chei struments, un o plui par ogni sorte, che a son a disposizion di une persone cuant che e je a taule: la fie che e jere furbe, e cjape piron, curtìs e sedon che a jerin di aur, e ju sgnache te sachete di so pari. Cuant che lis camarelis a van a cjapâ sù lis possadis ur dîs: "Contaitlis". E e mancjave une possade (Popolâr - Andreina Nicoloso Ciceri, Maletegne - Racconti popolari friulani I)
-
s.f.
(fig.)
cui che a taule al mangje tant e vulintîr:
"Oltre pre Antoni, cui l’è che ven?" "Siôr Pepiz e siôr Jacun." "Orpo, ce possadis! ju cognossi dal an passât, chei alì no si fan sigûr preâ cuant che si trata di mangjâ e bevi a maca, che si figuri!" (Luîs Merlo, Tra parincj)
Sin. buine possade
- buine possade loc.s.f.