polpete
/-pè-/
pol|pe|te
[CO, TS]
-
s.f.
anat.
part muscolâr de gjambe sot dal zenoli, daûr dal sghinc:
"Che al sinti mo, di cui isal chel brut cjanut spelât che dibot mi muardeve une polpete" (Pieri Somede dai Marcs, L'avocat e la luianie);
al sintì un sgrisulaç dilunc de schene, jù pes polpetis fintremai tai sghirets (Dino Virgili, La aghe da pît la cleve)
Sin. pupule
, polpe
-
s.f.
gastr.
preparazion di cjar masanade e pal solit pan gratât, ûf, lat o pane e altris ingredients, messedâts e fats in forme di balute:
al va di capot ta la ostarie di Modest, che e je daprûf, prin che a restin cence polpetis, che di avuâl no si 'nt cercje di nissune bande (Renzo Balzan, Stagjon di bilitis)
-
preparazion de stesse sorte, ma ancje no di cjar:
se o vês in cjase un pocje di scuete si fasin lis polpetis di spinaze, che taiarês fine e messedarês cun un ûf, farine, sâl, formadi. Lessarês lis polpetis in aghe e sâl; e cuant che vegnin sù, disgotaitlis (Emilia Baldassarre, Ort e cusine)
