polpe  /pò-/  pol|pe  [CO]

  1. s.f. cjar, tiessût muscolâr di une persone o di un animâl:  taiâ a daduts piçui un pocje di polpe di manç (Margherita Timeus, Cusine etniche, parinte strete de cusine furlane)
    1. part dal cuarp che e à cjar:  un spicigon di Batule te polpe che al faseve ciulâ (Emilio Nardini, La Signorine Mie)
  2. s.f. part muscolâr de gjambe sot dal zenoli, daûr dal sghinc:  al à cjapât al curtiel e al à taiât li polpis de li gjambis (Popolâr - Elvia Appi, Renato Appi, Al cjastiel bulgaro - Racconti popolari friulani II)
    Sin. pupule , polpete
  3. s.f. part fisse e sugose di une pome:  çariesonis duris di polpe, plenis di most (Alviero Negro, Lis çariesis pe mari di sant Pieri)
    1. pome sugose:  il brugnulâr burbanc: cjamât, adalt, di polpis viole, su lis ramacis plui altis, parsore la spalere dal refosc zintîl. I brugnui madûrs a colavin bessôi (Sandri Secco dai Juris, L'ort des maraveis)
  4. s.f. (fig.) part sostanziose di alc ancje imateriâl:  po a vegnin lis vincjecinc pagjinis che a son la polpe dal libri (Laurin Zuan Nardin, Angelo Pittana, Lionello Baruzzini, ‘La nomencladure dai animâi’, Codroip, 1996)
  5. s.f. (fig.) cuantitât di bêçs o di patrimoni:  vive il comès! / Che al tire jù la polpe fin al vues (Pieri Çorut, Une gnove citât in Friûl - Il gustâ)
Proverbis:
  • cui che al à mangjât la polpe che al mangji ancje i vues
  • jo la colpe e tu la polpe