piruç
/-ùç/
pi|ruç
[AF]
-
s.m.
pome dal piruçâr, di forme taronde parsot e plui lungje e fine de bande dal pecol:
intun broili, parsore un pomâr, e je Vera une dì che e robe piruçs, ma le beche il paron e le fâs vignî jù (Ivano Urli, Storie di Vera);
il moment dal racolt dai piruçs e miluçs madûrs al fâs vignî voie di fâ un strudel (Emilia Baldassarre, Ort e cusine)
Sin. piruce
Var. peruç
, pêr
-
(ancje fig.)
dispès in metaforis o paragons par alc che al cole, che al sucêt, che si lasse cjapâ, imbroiâ, sedusi e v.i.:
la dignitât e la libertât no son cacos o piruçs che a colin di bessôi (Dree Valcic, A Aquilee no dome testemoneance, ma sperance di cambiament);
si po crodi che la Serenissime e vebi pensât di spietâ che il piruç madûr al colàs di bessôl, contentantsi di dâ, ogni tant, une scjassadine al piruçâr (Josef Marchet, Cuintristorie dal Friûl fin sot la Italie);
"O ai sintût cualchi sussûr:.. il piruç vegnial madûr?" (Zaneto, No il diaul: l'è colpe il plevan)
-
s.m.
ogjet che al vedi la forme che e ricuarde chê di chê pome:
al brincave il piruç di len che al pendolave da cjâf dal jet e al impiave la lûs (Roberto Ongaro, Cretevierte);
al sbassà il plat de lampade di un mieç metro. Al jere un di chei plats cu la cidule e il piruç di crep, di tirâ sù e jù (Carlo Sgorlon, Prime di sere)
Sin. piruce
-
[BF]
(coloc.)
pet des feminis:
o ai fat a pueste a cjalcjâ cu la mê spale chei tenars piruçs che e à devant (Checo Tam, Sophia)
-
s.m.
[BF]
pome dal baraç blanc
Proverbis:
- cuant che il piruç al è madûr, al cole
- il miôr piruç i cole in bocje al purcit
- il piruç co al è fat al cole
- il piruç co al è madûr e je ore di mangjâlu
- il piruç nol cole mai lontan dal piruçâr
- un piruç frait al fraidès ducj chei che i son parmìs
- un piruç vuast al vuaste chei altris