pinelade
/-à-/
pi|ne|la|de
[CO]
-
s.f.
passade di pinel, azion e efiet dal passâ il pinel cuntun sôl moviment e cuantitât di sostance lassade cuntune passade di pinel:
«Pardabon âtu piturât il cuadri?» si cumplimentà cun Stiefin. «Ben, mi vanze ancjemò di dâ sù cualchi pinelade» (Mario De Apollonia, Il timp par ledrôs)
-
[CO, TS]
art
mût di piturâ di un artist:
par solit [tes oparis di Zuanfrancesc di Tumieç] il colôr al è sclet e vonde penç, la pinelade e je fuarte (Pieri Piçul, Ristret de storie da la art furlane II)
-
s.f.
(fig.)
magle, striche o presince di colôr che e somee fate cuntun pinel:
[i ôcs] si ingruessivin dì par dì, biei che a jerin cu la plume blancje e dome cualchi pinelade di grîs su la ponte des alis (Maria Forte, I ôcs di Miute);
va jù il soreli e al da la pinelade / di rose ae mont Cjanine / di viole ae mont Mariane (Enrico Fruch, A Mueç)
-
s.f.
(fig.)
element che al à o che al da un caratar specific, diferent dal rest:
e alora jê a tentava di taponâ li cumissuris [dal so scrivi] cun cualchi pinelada di toscan, e faseva piês (Ugo Pellis, Catinuta)
Cfr. man
-
element superficiâl, no di sostance:
i socialiscj a pensin di tornâ a dâsi une pinelade di internazionalisim cun pocje spese (Adrian Cescje, Memoriis di politiche linguistiche)
