pestel
/-èl/
pes|tel
[CO]
-
s.m.
mace di materiâl dûr par pestâ alc tal mortâr:
a si tache a bati fuart cul pestel; dopo a si zonte i pêrs e a si continue a pestâ (AAVV, La storie dal Pistump)
-
s.m.
imprest di materiâl dûr par pestâ materiâi in mulins o implants industriâi:
e dilunc di cheste Roie cetante vite che e je nassude e cressude, e cetant travai di rôts, di muelis, di pestei, di mais, di sofladôrs, di fusinis, di fariis (Nin dai Nadâi, Al jere une volte: il Borc dai brusefier)
-
s.m.
tal pl., aparât o implant par pilâ rîs, vuardi e v.i.:
a puartavin a masanâ intun mulinut plui injù, di ca da la aghe, là di Molâr, che al jere ancje il batefiar e i pestei pal formenton e pal vuardi (Dino Virgili, La aghe da pît la cleve);
dutis chestis blavis che o vin vût indiment a son "vistidis" parcè che a mantegnin la schie ancje dopo che a son stadis batudis e, alore, bisugne pilâlis e a coventin i pestei (Enos Costantin, Friûl: une patrie di blave)
-
s.m.
curtìs grues par pestâ, par taçâ fins ingredients sul taulîr
-
s.m.
(fig.)
cuantitât di botis, di pachis o barufe li che si dan e si cjapin tantis pachis:
si tachin a scopulis, / si branchin pal cuel, / ribaltin lis taulis, / sucêt un pestel (Romeo Battistig (?), Ai Piombi)
Sin. pestefruce
, pestadice
, macel
-
azion e efiet di alc o di cdn. che al fâs une vore di dams e confusion:
àn bombardât par una buna ora: ondadis di bombardeirs di chei a dôs codis, una va e una ven. Un pestel (Ovidio Colussi, La pension)