pesantece
/-tè-/
pe|san|te|ce
[CO]
-
s.f.
il vê un ciert pês o une cierte consistence, il pesâ avonde o il pesâ tant:
il tabâr: la stofe, il colôr, la pesantece come che si capìs par vie des frapis gruessis (Franco Marchetta, Madalene)
-
s.f.
(fig.)
il vê efiets negatîfs, il dâ fastidi, il compuartâ ostacui, l'obleâ a fâ sfuarçs e v.i.:
la pesantece dai vincui militârs sul teritori furlan e je dal sigûr ben grande, tâl di comprometi ben e no mâl ogni progjet di ristruturazion economiche (Adrian Cescje, Memoriis di politiche linguistiche);
la robe che plui mi avilìs e je la pesantece de situazion che no fâs traviodi nissune ande di riprese (Alessia Cisorio, Une cjadree simpri plui carulade)
-
s.f.
(fig.)
mancjance di elegance, di lizerece, di sveltece:
i cinc comparts a son leâts tra di lôr di motîfs gjeometrics e di une piture […] che a dan, tal insiemi, une cierte pesantece (Bepi Agostinis, Storie de art in Friûl)
-
element che al gjave elegance, lizerece, sveltece:
cheste storie e je ben fate, complete, detaiade ma cence pesantecis (Laurin Zuan Nardin, Vigji Dal Piçul, Storie di Sant Zorç di Noiâr)
-
s.f.
(fig.)
sensazion di sturniment o di malstâ intune part dal cuarp:
a Drea po, veva scomenzâti vignî una tala pesanteza di cjâf, che senza uarê si veva induarmidît (Ranieri Mario Cossâr, La busa dal diau);
e àn mangjât fin passûts e no àn sintude nissune pesantece che ur veti fate vignî sium (Antoni Beline, La fabriche dai predis)
Sin. pês1
-
s.f.
(fig.)
il jessi volgâr o pôc rispietôs:
no preseâ la pesantece di cierts compliments