peraulate /-là-/ pe|rau|la|te [CO]
- s.f. (spres.) viôt peraule
-
s.f.
peraule o espression volgâr:
ur bastave cjalâsi cu lis ceis arcadis par dâ sù in cridadonis e peraulatis che Diu nus vuardi! (Alviero Negro, Un cjapiel di stran);
"Jeisus jo!" e veve jesolât la vielute, sintade a gugjâ su la puarte di cjase. Si jere sgrisulade a scoltâ lis peraulatis che la bocje de fantate e veve sglavinadis fûr (Gianni Gregoricchio, Lilie)
Sin. brute peraule
Cfr. male peraule