patron
/-òn/
pa|tron
[CO]
-
s.m.
[TS]
stor.
te Rome antighe, citadin autorevul, soredut patrizi, che al veve un leam sociâl e politic particolâr, il patrocini, cuntun grup di plebeus di cundizions bassis, considerâts siei clients
-
ex paron di un sclâf liberât, di un libert che cun lui al à mantignût un leam di patronât
-
s.m., adi.
sant onorât tant che protetôr di un paîs, di une citât, di un grup sociâl e v.i.:
ancje chest an nol mancjarà di jemplâ la Glesie Mari di Aquilee il cjant dai Sants Ermacure e Fortunât, patrons dal Friûl (Christian Romanin, Messe di Aquilee)
Sin. protetôr
-
s.m.
titul di rispiet, in gjenar dome in formulis di salût, sedi tal cjatâsi che tal lassâsi, par une persone impuartante e siore:
«Voaltris su la muse si disês patron, lustrissim, riverît; e par daûr o si disês la porche! […]» (Alan Brusini, Il mâl dal tor);
"Lu saludi, contin." "Patrone, siore Santine." (Vittorio Vittorello, A ogni cost);
"Avanti, avanti, siôr Toni! Lu spietavin; che al si comudi." "Patrons." (Bruno Paolo Pellarini, Amôr in canoniche)
-
s.m.
personaç impuartant che al sosten o al aderìs o al à une influence particolâr intune iniziative, intune associazion e v.i.:
"I Turcs tal Friûl" jessûts di cualchi casset de cjase di Luîs Ciceri, patron efetîf de Filologjiche, che jai veve consegnâts Pasolini stes tancj agns prin (Adrian Cescje, Memoriis di politiche linguistiche)
-
s.m.
dir.
avocat che al cure i interès di une part in cause
-
s.m.
dir.can.
cui che al à dirit di patronât suntun ufici eclesiastic