patafâ
pa|ta|fâ
[AF]
-
v.tr.
dâ un colp, plui o mancul fuart, cu la palme de man:
une dì e patafave un so fi fûr di mût: une furie. Le viôt Pieri, si ferme e i dîs: «Ma parcè po, Mariute, i dâstu in chê forme a chê puare creature?» (Meni Ucel, Gjalinis);
si cjalarin fintremai che e rivà la bussade; la bussade che e cambià ogni robe. Parcè? Parcè no lu vevie parât vie? Parcè no i vevie patafât la man? (Raffaele Serafini, Soreli jevât a mont);
a jerin cumò te stale Fidrì e so pari che a cjalavin lis bestiis […] Fidrì i passà une man su la schene, la patafà su lis cuessis, i tirà la code (Pieri Menis, Sul agâr)
Sin. sberlotâ
, scufiotâ ipon.
, pitufâ ipon.
-
(fig.)
di element naturâl o di alc che nol à lis mans, dâ un colp o dâ la sensazion tant che di un colp:
simpri intanât ta chê lôr farie a bati e a forâ, a inferâ e a temperâ, cu lis orelis intrunidis dal pestâ dal mai e dal patafâ de aghe dal riul che e sclafagnave lis palis dal rôt (Roberto Ongaro, Cretevierte);
sgrisui par dut il cuarp, come che o fos stât patafât di une bugade di buere (Carlo Sgorlon, Il dolfin)
-
v.tr.
(fig.)
jessi dûr, criticâ o cjastiâ in maniere severe:
al è di just che la jurie e sedi severe. Ma si scugnie propi patafâju chei pôcs che a scrivin? (Laurin Zuan Nardin, Riflessions su la serade S. Simon 2013. Biblioteche comunâl di Codroip ai 28 di Otubar 2013)
Polirematichis e espressions idiomatichis
Proverbis:
- miôr patafâ la bocje che no mangjâ dute la robe