paste
pas|te
[AF]
-
s.f.
misture avonde uniforme fate di sostancis diviersis, che e à une consistence avonde tenare che e permet di lavorâle e di dâi forme:
[claps e modons] plui o mancul peâts cun pastis di arzile e aghe (Alessandro Bachiorrini, Maltis armadis pes struturis dal tierç mileni)
-
s.f.
misture di ingredients solits, soredut farine, e licuits, tant che aghe, lat, ûf crût e v.i., lavorade e in câs stirade, taiade o metude in forme in maniere di podêle cuei par fâ ciertis robis di mangjâ:
lavorâ insiemi ducj i ingredients, fintremai che la paste no je vualive. Come par dutis lis pastis frolis al è impuartant che la lavorazion no sedi lungje e che la spongje no si scjaldi (Sandri Carrozzo, Scottish shortbread);
lavorait e tirait la paste fine, taiant a mieze lune cuntune tace e cueieit i biscotins tal for cjalt in cinc minûts (Emilia Baldassarre, Ort e cusine)
Sin. impast
-
s.f.
sostance fate ancje di un ingredient sôl, in gjenar masanât ridot intune consistence plui o mancul cremose:
se tal ort e vês unmontis di pomis, cun chês avonde dolcis podês fâ une paste passantlis crudis (dopo vêlis scjaldadis) pal tamês, sence vues. Po la paste la farês indurî a planc a planc (Emilia Baldassarre, Ort e cusine)
-
s.f.
robe di mangjâ fate di farine, soredut di formenton, e aghe o ûf o altri, che e ven lavorade, tirade, taiade o formade in tocs avonde piçui, che si metin a boli e dopo si mangjin in mignestre o cun diviersis cuincis, sedi cun valôr coletîf che individuâl, sedi in riferiment al prodot fresc che a chel sec:
lis personis cun pês in plui a àn di limitâ la cuantitât di paste, pan e rîs (Guglielmo Pitzalis, Mangje san 3);
par ultim [te mignestre di coce], si cuein dentri dôs grampis di pastis curtis (Emilia Baldassarre, Ort e cusine);
nô no vin nissune tradizion di pastesute […], O vin invezit une grande tradizion di consum e di produzion di paste par mignestre (Enos Costantin, Friûl: une patrie di blave)
-
s.f.
dolç, pal solit di scaletarie, preparât in formât piçul, di podê cjapâ in man e mangjâ intune o in pocjis bocjadis:
Rose e veve tante gole di lâ a mangjâ lis pastis (Gianni Gregoricchio, Îr e doman);
la signorine nus pronte simpri il cafè cu lis pastis (Laurin Zuan Nardin, Il cop)
Sin. paste dolce
, pastute
-
s.f.
materie che alc al è fat, soredut in relazion al so colôr, ae sô consistence e v.i.:
«O volarès savê se [i pierçui] a son di paste zale o di paste blancje e se si disvuessin o no» (Meni Ucel, Piarçui)
-
s.f.
(fig.)
caratar, maniere di jessi o maniere di fâ di cdn.:
tu sâs… a son di une altre paste, i viei… (Dino Virgili, La aghe da pît la cleve);
la glesie no ven a fâ un sôl popul ma e je un levan in ducj i popui seont la lôr paste (Francesc Placerean, La Glesie e à di lassâ i popui come che a son e fâur di levan seont la lôr paste)
-
persone buine e amabile:
al someave une paste di frutat, eco. Ma sui scherçs, no impaçâsi cun lui (Alan Brusini, I universitaris)
Sin. buine paste
, paston
Polirematichis e espressions idiomatichis