passîf
pa|ssîf
[AF]
-
adi., s.m.
che, cui che al patìs lis azions o lis consecuencis di azions di chei altris, in gjenerâl cence reagjî:
dôs façadis: une di desideris, di siums, di ricuarts [...]; une vualive, passive, rassegnade, sometude al jôf matrimoniâl di chel om tant plui vieri di jê (Roberto Ongaro, Cretevierte);
une ubidience passive e stupide (Antoni Beline, La fabriche dai predis)
Cfr. remissîf
, sotan
-
adi.
che nol compuarte une azion:
al samee che il furlan al sedi plui votât a la resistence passive che a une sorte di voie ative di cjapâ in man il so destin (Claudio Violino, Autonomisim: a ce pont sino?)
-
adi.
[TS]
gram.
di verp o costruzion, che a esprimin une azion subide dal subiet:
te coniugazion passive il participi passât si compagnilu tal gjenar e tal numar cul sogjet (Zuan Nazzi Matalon, Marilenghe gramatiche furlane)
-
s.m.
forme verbâl li che il subiet al subìs la azion
-
adi.
[TS]
ling.
che al à a ce fâ cu la ricezion e cu la comprension di un messaç e no cu la sô produzion:
la competence passive, di comprension de lenghe furlane, e je une vore alte ancje tra i zovins (Adrian Cescje, Memoriis di politiche linguistiche)
-
adi.
[TS]
ecol.
che al corispuint a une jessude o a une pierdite economiche:
un cambiament di denominazion in dutis lis puestis ativis (tassazion) e passivis (spese publiche) (Patrizia Tiberi Vipraio, Euro o no euro: isal chest il probleme?);
a dite dal Girlando no stave nuie ben: masse interès passîfs in bancje (Sandri Di Suald, Ah! la provincie)
-
s.m.
jessude o pierdite economiche:
un recupar dai volums di vendite e duncje une riduzion dal passîf (Adriano Del Fabro, Un 2020 disastrôs pes machinis agriculis)
-
s.m.
(fig.)
pierdite o element negatîf in gjenerâl:
il prin timp si siere cuntun dopli passîf, che al podarès fintremai deventâ un trê a zero (Marc Stolf, Udinese - Carpi 1-2)
-
adi., s.m.
che, cui che intun rapuart omosessuâl masculin al ven penetrât