Dizionari de Lenghe Furlane

pas²  pas  [AF]

1. s.m. lûc par li che si passe:  ju menà cun se, te sô farie, traviers un pas, fra la jerbe alte e dure che e nulive di mente salvadie e di camamilats (Maria Forte, Cjase di Dalban)
   
   1. azion o pussibilitât di passâ, di lâ dentri o fûr, di traviersâ e v.i.:  [i Ongjars] a tornarin plui voltis cence che mai Berengari ur taiàs il pas (Josef Marchet, Cuintristorie dal Friûl fin sot la Italie)
2. s.m. moviment migratori dai uciei:  tal cîl a grugjulavin lis lodulis dal pas (Alan Brusini, Come tai romançs)
   Sin. passaç
3. s.m. sbassament tra dôs monts che al permet di passâ di une val intune altre:  [Zuan Batiste Cavedalis al veve fat] il progjet pe costruzion di une grande strade comerciâl che e unìs il Friûl cu la Carinzie a traviers dal Pas di Mont di Crôs (Giovanni Pillinini, Zuan Batiste Cavedalis - Une vite esemplâr)
4. s.m. puest li che si passe un flum:  a dismontarin da cjaval sul pas dal Racli, là che la Miduna, una volta, a deventava pi fonda e scura dal voli di un canai e, pal braç, al la menà di là dal puntisel (Novella Cantarutti, L'orloi fer)
   Cfr. vât
5. s.m. il puartâ di une bande a chê altre di un flum:  sul Tiliment la int e viveve di trê robis: len, pes e pas
   
   1. puest cu lis struturis che a coventin par puartâ di une bande a chê altre di un flum:  a rivarin sul pas de barcje. E jere di là; si sentarin te jerbe a spietâle (Catarine Percude, Lis âfs)