parom
/-òm/
pa|rom
[AF]
-
av.
cun sens distributîf, par ognidun, in cuantitât compagne o plui o mancul compagne par ognidun:
jê ju fasè sentâ su la bancje di cjase e ur puartà un scudielot di polente e lat parom (Luigi Gortani, Sant Pieri e la code da vacje);
cun doi elets parom si cjatin po il PD (6% dai vôts), i Verts - Listis Civichis (5,8%), e la Süd-Tiroler Freiheit (4,9%) (Carli Pup, Sud Tirôl e Trentin: tes provinciâls confermâts Durnwalder e Dellai);
[lis brûts] e àn scomençât a stâ sù une gnot parom dongje il jet de lôr puare madone (Catarine Percude, La brût)
Polirematichis e espressions idiomatichis
Proverbis:
- din don, une volte parom
- matrimoni bon, femine e om un pôc parom
- une volte parom si scuen fâle ducj
- une volte parom, al dîs il colomp