parintât
pa|rin|tât
[AF]
-
s.f.
leam tra individuis de stesse famee:
"Sint mo, Lanzin… tu mi cognossis, che o sin in parintât […]" (Dino Virgili, La aghe da pît la cleve);
«Ce disaressistu di Dorine di Luche? … Mi pâr che e à di vê parintât cul to puar om…» (Pieri Menis, Chei di Muraie)
Var. parentât
-
s.f.
(fig.)
relazion di afinitât, causalitât, origjin o sim.:
cul stâ scuasit a comedon, fra di lôr e jere nassude come une stranie parintât (Maria Forte, La tiere di Lansing);
la storie, come che e ven spiegade tes scuelis, e à plui parintât cu la «educazion nazionâl» che no cu la veretât (Josef Marchet, Cuintristorie dal Friûl fin sot la Italie)
Sin. comunance
-
s.f., s.m.
complès dai parincj:
vuê un an, grant funerâl te vile di Pavie. E jere muarte la mari dal Plevan, viele di otante agn. Ducj i predis del circondari, une cuantitât di torcis, une lungje procession di int, e daûr dute la sô parintât, un setante almanco tra nevôts e pronevôts (Catarine Percude, La mulinarie);
tal parintât nissun nol podeve glotile: le clamavin «agne cjice», ancje par vie de sô muse sfracaiade come chê di un pechinês (Gianni Gregoricchio, Barbe Masaniello)
Sin. famee
Proverbis:
- ma e mo a jerin fradis e parintât no vevin