parc
parc
[AF]
-
s.m.
teren cun prât e plantis di bielece, dongje di un edifici o viert al public:
[la cjase] tant che i vecjos palaçs, e veve ancje ator ator un biel parc, la plui part a prâts e boschete (Franca Mainardis, Il sium di Lissandri)
Sin. zardin
-
s.m.
estension di teritori cun carateristichis naturâls o culturâls che a vegnin valorizadis e tuteladis:
il padin, tal parc des Risultivis, incjastrât tal cidinôr de campagne inneade te blave tra i filârs di pôi, lis agacis, i platins, i roiuçs, i cjampanii che a sbusin il cîl dal mont, si cjate simpri (Raffaele Serafini, Soreli jevât a mont)
-
s.m.
zone, puest li che si puedin lassâ fers i veicui:
si jere ufiert di dâi un passaç cu la machine che al veve lassât tal parc dal aeropuart (Fabian Ros, Un piçul particolâr);
al riscjà di sbati intor di un pareman di fier che al ricuadrave un piçul parc pai motorins (Franco Marchetta, Light my Fire)
Sin. parc di machinis
-
s.m.
complès des machinis o dai machinaris a disposizion di une aziende, di une comunitât, di un teritori e v.i.:
lis gnovis a rivin sul rinovament dal parc trens. Dai Paîs Bascs a ‘nd rivaran vot, gnûfs di pache (Oscar Puntel, Lis dificoltâts des infrastruturis a varessin di fâ rifleti)
-
s.m.
rêt di struturis presintis intune zone o intun teritori e caraterizade di une funzion specifiche:
chi [in Burgenland] si cjate il plui grant parc eolic in Austrie (Janez Erat, Al cres l’interès pal sloven tes scuelis carinzianis);
lis impresis, lis universitâts e i parcs di ricercje a varessin di prontâ soluzions che se a funzionin a podaressin jessi vindudis ancje tal forest (Walter Tomada, Democrazie di incressi te tradizion dal Patriarcjât)