Dizionari de Lenghe Furlane

par un fîl    [CO]

1. loc.av. in maniere regolâr, ordenade, rigorose, daûr des regulis e daûr di ce che si spietisi:  ducj i frutats a tiravin par un fîl, e done Ane, prime di murî, e podè viodiju ducj ben implantâts (Catarine Percude, La mulinarie); se a lavin dacordo? In rivuart ai lavôrs, par un fîl, che i lavôrs lôr ju vevin tal sanc (Meni Ucel, I Catanas)
   Cfr. in stangje
2. av. cun precision, in ducj i detais:  jê, chê facende là sù, cuissà cemût, le saveve par un fîl (Alan Brusini, Un om di mont)
   Sin. par fîl e par pont , par fîl e par segn

Components:

• fîl s.m.