ospedâl
os|pe|dâl
[FO]
-
s.m.
istitût pe cure e pal ricovar dai malâts:
l'om lu cjapà par un braç: "Bisugne menâlu tal ospedâl! Chel ca nol è cjoc", Pieri lu sintì a dî tra di se, "chel ca al sta mâl pardabon!" (Amedeo Giacomini, Tal ospedâl);
savêso che al è lât tal ospedâl. Al à vût la broncopolmonite. Cumò al sta ben (Checo Tam, Beromünster e Monteceneri);
al jere stât tant timp ator pai ospedâi, fin che al jere rivât a vuarî (Pieri Menis, Zilugne)
Sin. nosocomi
Var. ospidâl
, spedâl
-
periodi di ricovar inte struture:
si è fat une setemane di ospedâl par esauriment gnervôs (Francesco Sabucco, Melie e il so om)
Sin. ricovar
-
s.m.
[FÛ]
struture che e da acet e mangjâ a pelegrins, forescj, puars, ancje cence che a sedin malâts:
par chest no si dispere / bat la trusse al ospedâl (Toni Broili, Il lunari furlan cun diviars trucs par l'an 1846)
Sin. ospizi
, ricovar
-
s.m.
[FÛ]
struture che e da acet a vuarfins o fruts bandonâts:
tu âs cjolte 'Sinute dal ospedâl e tirade sù (Anute Fabris, A passe la scalmane);
al mene a spas i muarts, / e al ospedâl al va a puartâ i bastarts (Pieri Çorut, Pronostic del 1830)
Sin. orfanotrofi
, brefotrofi
Cfr. ospedalin
, inocentin
Proverbis:
- cui che al vîf in cort al mûr tal ospedâl
- cui che nol à mistîr e al va a spas, si invie al ospedâl a grancj pas
- il mont al è un ospedâl di mats