olnâr
ol|nâr
[AF, TS]
-
s.m.
bot.com.
non comun des plantis dal gjenar Alnus:
sgrisui di buere a cisicavin tes fueis e i olnârs dal riul si smenavin come animis in pene (Dino Virgili, La aghe da pît la cleve);
a disin che il Rusignûl al stedi vulintîr tai cisons di olnâr e noglâr a ulà che al cres ancje l'urtiçon (Alan Brusini, Mestris cjantôrs);
la aghe dal Orzelât e jere lusinte tal mieç dai venceis e dai olnârs (Maria Forte, Chel svampît di 'Sefut)
Var. âl
, aul
, aunâr
, aonâr
, onâr
, ornâr
, unâr
, jeusse
-
marang.
len di chei arbui, tenar e lizêr:
[lis mascaris] a vignivin fatis cun lens tenars de zone: vencjâr, olnâr, pôl (Erika Adami, Mascaris che a contin il Carnevâl in Friûl)
Polirematichis e espressions idiomatichis