Dizionari de Lenghe Furlane

obligatori  /-tò-/  o|bli|ga|to|ri  [AF]

1. adi. che al scuen jessi fat, rispietât, frecuentât e v.i.:  savêso cui che al à imponût la scuele elementâr obligatorie, la Volksschule? Marie Taresie, dal 1776. Il stât talian al à imponût la scuele elementâr obligatorie dal 1877 (Francesc Placerean, La nestre storie)
   
   1. che al covente par fuarce, che no si pues fâ cence:  il diretôr al è une figure centrâl e par fuarce di robis centraliste, dongje di jessi obligatorie pal funzionament dal imprest di informazion (Max Mauro, Un Friûl difarent: i 90 mhz di Onde Furlane)
      Sin. obleât
2. adi. [TS] dir. di norme o disposizion legjislative, che e determine un oblic che no si pues rimandâ
   Sin. coatîf , costritîf