nazionalitât
na|zi|o|na|li|tât
[AF]
-
s.f.
il jessi, il formâ une nazion intindude tant che comunitât cuntune sô identitât di lenghe, di teritori, di tradizion:
vivi ben la nestre nazionalitât furlane però nol vûl dî pensâ di espuartâle. Une nazionalitât e je come une famee, si nas dentri ma no si à mai di imponile a di un che al è nassût intune altre (Franc Fari, Il cjâf dai furlans)
Sin. nazion
, stât3
-
complès di individuis che si ricognossin te stesse nazion:
[ciertis regjons] e puedin puartâ come fondament des lôrs aspirazions autonomistichis une situazion etniche che lis distache de raze e nazionalitât dominante (Josef Marchet, La nestre muse)
-
s.f.
[TS]
polit.
nazion cence stât:
rapresentants Bascs e Catalans, Sarts e di altris nazionalitâts di Europe (Adrian Cescje, Memoriis di politiche linguistiche);
la prime [fase storiche] e je chê de "sperance europeane" des nazionalitâts, des minorancis e des regjons, che e madrès za intant de Seconde vuere mondiâl (Marc Stolf, Corsiche, Scozie, paîs Basc, Catalogne, Friûl… Europe)
-
s.f.
(impropr.)
apartignince ae comunitât di citadins di un stât, viôt citadinance
