nauli
/nà-/
nau|li
[AF]
-
s.m.
ûs di bens, mieçs, soredut mieçs di traspuart, o ancje di animâi o lavoradôrs, paiant pal timp che si dopriju e cence cuistâ la proprietât:
al coste un franc la ore il nauli de barcje (Alan Brusini, Par stradis lungjis);
"Viodêso, ce brâf che al è [il mus]!" "Ben, ben, lu provarai. Trop vuarêso vê di lui?" "Jo no us lu vendi; us lu impresti par un an e une dì e par chist nauli jo domandi un napoleon!" "Va ben, ca la man […]" (Dolfo Zorzut, Viôt di no fâ dal mâl al furistîr)
Sin. fit
-
s.m.
servizi, soredut di traspuart, a paiament, che al cjape dentri ancje il lavôr di cui che al mene il mieç di traspuart e no dome l'ûs dal mieç di bande di cui che al paie:
i «omnibus» di Gjat e Gurisat a lavin e a vignivin a trê chechis di nauli, di Tumieç a Udin (Dino Virgili, La aghe da pît la cleve);
in chei timps, e jerin diviers che a fasevin naulis par cjapâsi un franc vie pal Unvier […] Tal dopomisdì là dal pravilegjo e fasevin la cjarie, po e menavin il cjar sot il puarti di cjase e la matine, ancjimò di scûr, e partivin (Pieri Menis, Gno nono)