nasâ il pevar
[CO]
-
loc.v.
intuî une cierte situazion o ciertis intenzions, soredut se a compuartin consecuencis negativis:
a chest pont Tonin e Tonut, che scomencin a nasâ il pevar, a clamin la ostere par paiâ il cont, a van par jevâsi sù disint che la storie e je lungje, e che sintaran il rest une altre volte (Luigi Gortani, Al marcjât di Vile);
al sberlave il Ghigne smalitant disarmât "In galere, ma no soldât, altri, chest ca!" Ancje chei altris patriots si stuarzevin osteant. Nasât il pevar, chei altris, abàs, a cjapin la plui curte e vie a gjambis a platâsi ce pes ariis, daûr i cjars, ce tes staipis, sot il soreâl… (Dino Virgili, La aghe da pît la cleve)
Sin. mangjâ la fuee
, nasâ la garbe
, nasâ la fuee
Components: