Dizionari de Lenghe Furlane

nûf¹  nûf  [FO]

1. s.m. numar naturâl che al ven daûr dal vot e prime dal dîs e segn che al rapresente il numar nûf
   Var. nôf²
2. adi.num., pron.num. in cuantitât di une unitât mancul dal dîs:  [Palme] e fo progjetade tant che une stele a nûf pontis par dâi un ordin militâr, e po dopo i forin zontâts trê zîrs di fortificazions (Luca Zoratti, Passât gloriôs, avignî dubiôs); dopo trê mês jê si inacuarç di sei incinte pardabon […], dopo nûf mês, al nas un biel frutin (Andreina Nicoloso Ciceri, Maletegne - Racconti popolari friulani I)
   
   1. adi.num., s.m. ancje cun valôr di ordenâl o identificatîf intune serie o intune categorie:  e je in viaç iminente la «perturbazion» numar siet o vot o nûf (Riedo Pup, I furlans e il timp)
      Sin. novesim
3. s.m., s.m.pl. zornade novesime dal mês:  o vin fat la estrazion ai nûf di Mai, / tel mulin di Mesai. / Il vincitôr l'è stât / un ciart siôr di Faedis mio copari (Pieri Çorut, Il lot del puar strolic)
   
   1. s.m. an novesim di un secul
4. s.m. vôt scolastic di pôc sot dal massim:  al veve cjapat nûf in francês (Carlo Sgorlon, Prime di sere)
5. s.m. cjarte di zûc novesime intune serie:  nûf di cûrs
6. s.f.pl., adi.num. la novesime ore de dì:  al jere di domenie, une biele matine di soreli, ator nûf (Agnul di Spere, La scjate rosse)
   Sin. nûf di matine , nûf a buinore , nûf di buinore
   
   1. la ore novesime dopo misdì:  [tor cinc dopomisdì] al jentrà te ostarie a bagnâ la peraule. A jerin nûf passadis che al jere ancjemò li (Antoni Beline, Pre Pitin); al è scûr rampit e a saran nûf, dîs oris (Ivano Urli, Storie di Min)
      Sin. nûf di sere

Proverbis:

• cuant che la buere si mûf, o un o cinc o nûf
• dulà che a vivin nûf a vivin ancje dîs
• il pan dai altris, chel plui bon, al à siet crostis e chel plui dûr ind à nûf