muc
muc
[CO, TS]
-
s.m.
zool.com.
anfibi lunc fin a 5 cm, no tant diferent di un crot o di une 'save, parsot zale a maglis:
si sint sul piruçâr / di cuant in cuant il cuc, / e intel fossâl il muc (Pieri Çorut, La gnot di Avrîl);
che crepin tal pantan dal palût scjafoiadis li cjani garganis e la arba sarala e al groi cui mucs, i pissocs e li ‘savis (Ugo Pellis, La cjana gargana)
-
adi., s.m.
[AF]
(ancje spres.)
todesc o austriac, o ancje svuizar o di altre citadinance ma di lenghe todescje:
[sul tacâ de seconde vuere mondiâl] la France intant e jere lade a tocs sot lis pidadis dai mucs: maçalizis, ruvinis, distruzions (Pieri Menis, Sul agâr);
i rivoluzionaris di Milan cu la plui part des popolazions a vevin plui in asse i soldâts piemontês di Carli Albert che no i mucs di Radetzky (Josef Marchet, Trombis e tambûrs);
rivâts che a son tal mieç dal puint dulà che al passe il confin dai Cjantons, il polizai, di raze muche che al è: «Alt», ur dîs, par todesc (Meni Ucel, Sunadis)
Sin. patan
, patatuc
, slapar
, taicj
, tatuc
, todesc
, tognon
, tuntar
-
che al è carateristic dai todescs e dai austriacs:
al veve un fâ civilin e i bussave la man tignintje a pene poiade su la sô e batint i tacs a la mode muche (Roberto Ongaro, Il muc);
a tornavin a cjase ducj i fornasîrs, plumis tirolesis di fasan o di gjal cedron sul cjapiel vert, a muc vie (Maria Forte, Varc di confin)
-
ancje in riferiment dome ai austriacs:
si jere dacordo cui mucs e cui todescs e nol jere di spietâ che la Italie e cambiàs sunade (Francesc Placerean, Cuintristorie dal Friûl dal 1866 fint in dì di vuê)