mostacje
/-tà-/
mos|ta|cje
[AF]
-
s.f.
in gjenar tal plurâl, complès dai pêi che a cressin juste parsore de bocje:
al rivà Gjirardin, cun chê muse di bon e chês mostacjis che i pendolavin di ca e di là de bocje (Dino Virgili, La aghe da pît la cleve);
une lagrime i spissulà jù tra il pêl des mostacjis (Amedeo Giacomini, Tal ospedâl)
Sin. mostacj
, moschete
Var. mustacje
-
s.f.
ognidun dai pêi luncs tal music di ciertis bestiis, che dispès a servissin ancje di orghin tatil:
[il gjat] al à il pêl biel lustri, a riis neris e grisis, lis mostacjis lungjis e duris tant che il fîl di fier (Giuliana Pellegrini, Checo e Catinute)
Sin. mostacj
, moschete
-
s.f.
(fig.)
magle lassade te muse, dongje de bocje, pal solit di alc che si à mangjât o bevût
Sin. mostacj
, moschete