moschete
/-chè-/
mos|che|te
[AF]
-
s.f.
spec. tal pl., complès dai pei che a cressin parsore dai lavris:
lis moschetis neris, simpri tiradis di fin, i segnavin i lavris come doi strics di ingjustri (Gianni Gregoricchio, Îr e doman);
un todescon grant e grues, cuntun par di moschetis lungjis e ruspiis che cuant che al beveve la bire a gotavin come une striceade (Pieri Menis, Sul agâr)
Sin. mostacje
, mostacj
-
pêl lunc e cun funzion percetive che al cres parsore dai lavris di cierts animâi
-
s.f.
filament lunc dai spîs di forment o di altris grans:
al è in fûc dut il forment; il stran a gjestre, la paie a çampe, la pule par aiar, si brusin lis moschetis, e criche la schie (Catarine Percude, Il prin sarasin)
-
s.f.
(fam.)
magle lassade dongje dai lavris di un contignidôr di li che si bêf:
al travasave il blanc e il neri che o bevevin tal seglot e nus lassave lis moschetis sui lavris (Alan Brusini, Come tai romançs)
Sin. mostacje
, mostacj