morestâsi
mo|res|tâ|si
[CO]
-
v.pron.intr.
di une pome deventâ mancul garbe, plui madure o plui mole restant ferme:
cul timp e cu la paie si morestin i cuargnui (Josef Marchet, Lis predicjis dal muini);
jê e veve palpât lis pomis pal Inviar in rie sul gridiç "Si à di spietâ che si morestin…" (Jolanda Mazzon, Cungjò Friûl)
Var. morentâsi
-
ancje in riferiment ae cjar, polsâ par cambiâ di savôr e jessi mancul stielose:
lu àn curât [il jeur] e lassât trê dîs che si moresti (Popolâr - Andreina Nicoloso Ciceri, I siet fradis - Racconti popolari friulani I)
-
ancje di altris ingredients o preparazions, restâ a polsâ in mût di cjapâ o di lassâ un savôr:
si masane gruessut [la cjar e l'ardiel par fâ il salam] e si cuince cun sâl, pevar e refosc là che si à morestât l'ai (Diego Navarria, La salsamentarie de Basse)
-
v.pron.intr.
ancje di alc che nol sedi une pome, deventâ mancul dûr:
Bernart al steva miei di Primavera, cuant che a si morestava la cjera (Novella Cantarutti, Pausa)
-
v.pron.intr.
di alc, o ancje di cdn., restâ fer, ancje in spiete di fâ alc o di jessi doprât par alc o di tornâ a jessi cjapât in man:
ti scrîf "a bote cjalde", par vie che o soi usade cussì, e magari dopo o ten a morestâ la letare par un pieçut, prime di impuestâ (Nadia Pauluzzo, Letare a Agnul M. Pittana)
Cfr. polsâ
-
v.pron.intr.
pierdi fuarce, intensitât e v.i.:
il vint si jere morestât (Gianluca Franco, Re Ricart in Friûl)
-
no jessi plui tant in tension
-
no jessi plui tant contrari:
ma i conseîrs i fasevin ducj cuintri, e nol jere viars che si morestassin (Vico Bressan, Scaiis - Il Strolic furlan pal 1978)
-
deventâ plui ubidient, plui bon, plui cuiet e v.i.:
di frut o jeri birichin parceche o vevi imparat ancje jo lis tristeriis di gno nono, cul cressi mi soi morestât (Mario Beltrame, Gno nono Pauli)
-
v.pron.intr.
deventâ plui moderât, ecuilibrât, mancul estrem:
si son capîts, rispietâts, volûts ben e completâts. Jê e à cjapade part de sgrimie di lui e lui si è morestât a contat cun jê (Antoni Beline, La mari spirituâl de Patrie)
