monture
/-ù-/
mon|tu|re
[AF]
-
s.f.
forme di vistîsi particolâr, compagne par ducj chei che a fasin part di une categorie, di scuadre sportive, di un cuarp militâr e v.i.:
la val e jere plene di casermis e di fantats in monture grise e verde (Carlo Sgorlon, Il dolfin);
une schirie di tresinte predessuts, ducj neris di monture (Antoni Beline, La fabriche dai predis);
al capite dongje un biel zovin in monture celeste cui botons di aur su la panze, el portinâr de Telve (Arturo Feruglio, Viaç a Vignesie)
Sin. divise
, uniforme
, mude
-
s.f.
complès de robe di metisi intor, e in câs ancje dai imprescj, par fâ par une cierte ativitât o par une cierte ocasion:
no si po lâ a cjace cence la monture di cjaçadôr (Riedo Pup, I furlans e la mode)
Sin. mude
-
s.f.
(ancje scherç.)
mût di vistîsi in gjenerâl:
si tose, si piture, cambie dispès monture, / e va in pelice e in boe: / di dut ce che i ven voie / si devi contentâle (Zaneto, Lis babis);
o mi cambii di monture e o mi invii viars la rene (Sandri Di Suald, Ah! la provincie)
Sin. mude
, vistît1
-
(fig.)
ce che al cuvierç, che al è difûr o parsore, tant che un vistît:
ancje tu, puar figâr, tu ti consolis, / ti passin ducj i mâi / e tu âs cuasi braùre / cu la gnove monture verduline (Enrico Fruch, A une cisile)
-
(fig.)
mût di presentâsi, di fâsi viodi:
dignitât e jere e e veve di jessi la nestre monture! (Alviero Negro, Un purcit pa la Storie)