miedi
/-é-/
mie|di
[FO]
-
s.m.
cui che al cure i malâts cun titul universitari e abilitazion a fâ chê profession:
e à il frutin plui piçul malât une vore, e il miedi i à dit che e scuen puartâlu a Udin di un specialist (Josef Marchet, Lis predicjis dal muini);
"Che e prepari une dose triple di valium", al disè il miedi, voltantsi de bande de frutate. "Che e lassi stâ cumò il flebo, jal metarìn cuant che al duar" (Amedeo Giacomini, Tal ospedâl);
te metât dal Votcent Paul Broca (1861), un miedi francês, al veve scuviert che la fevele e je comandade dome de bande çampe dal cerviel (Franc Fari, Il cjâf dai furlans);
mê fie, che e je miedie, lu cjate interessant par ducj i argoments che al trate (Jolanda Celotti, «Friuli nel Mondo», un biel gjornâl)
Sin. dotôr
Var. miedic
-
ancje in funz. di adi.:
- Cos'avete? - dissal l'uficiâl miedi (Riedo Pup, Viliacco);
un dai presonîrs, tenent miedi, al veve lis mans sporcjis di sanc (Checo Tam, La trombe)
Sin. medic
Proverbis:
- al fari il fier, al cjaliâr il corean, al marangon il len e al miedi i rimiedis
- cuant che al è destinât no vâl ni miedi ni medisine
- fin che o caghi dûr e che o pissi clâr mi infoti dal miedi e dal speziâr
- fin che o cjii dûr e che o pissi clâr mi infoti dal miedi e dal speziâr
- i miedis: preâ il Signôr che a son e po no vênt dibisugne
- il brâf miedi nol à pôre di scorteâ
- il miedi e il speziâr a puedin fâ grant mâl
- il miedi e il speziâr di inzen a puedin fâ gran ben
- miedi pietôs al fâs la plaie puçolente
- miedi vieli e barbîr zovin
- miedi vieli e ciroic zovin
- miedis e avocats no si spudin tal lôr plat
- ni ca dal miedi par ogni mâl, ni ca dal avocat par ogni lît e nancje po par ogni sêt ca dal bocâl
- nol è mai un brâf miedi fin che nol jemple il cimitieri