dotôr
do|tôr
[FO]
-
s.m.
cui che al à cjapât une lauree o un dotorât di ricercje, ancje tant che titul prime dal non o cognon o tant che apelatîf:
la fieste e jere prontade in cjase dal pari de nuvice e al è nome di insumiâsi ce gustâ che al veve parecjât il dotôr Livio Mario, judiç di Tresesin (Alan Brusini, Come tai romançs);
si sin viodûts, cui rapresentants dal Ufici (dotôr Napoli, dotôr Cisilino, dotoresse Drusin e dotoresse Talone), dôs voltis, pal insediament e pe prime riunion [di un grup di lavôr] (Adrian Cescje, Memoriis di politiche linguistiche)
-
[BF]
espert che al insegne une cierte dissipline:
i dotôrs universitaris parisins a tindin a elaborâ une filosofie politiche che e fâs dal stât une realtât autonome (Fabian Ros, La invenzion dal stât)
-
s.m.
cui che al è laureât e specializât in medisine e che al fâs la profession di curâ i malâts o in ogni câs te sanitât:
al jere un brâf dotôr, simpri pront cuant che lu clamavin pai malâts (Pieri Menis, Cui si jerial impaçât cun Modestute?);
al è il dotôr Carli, dal ospedâl (Pieri Somede dai Marcs, Il prossim)
Sin. miedi
-
s.m.
filos., teol.
tiermin doprât dal XII sec. al XVII sec. par nomenâ i juriscj e i teolics plui preseâts
Proverbis:
- a san plui un dotôr e un vilan che no un dotôr sôl
- al vâl plui il baston di un pastôr che no la medisine di un grant dotôr
- al vâl plui un mus vîf che no un dotôr muart
- cui che al fâs lis robis cun amôr al è un grant dotôr
- miôr un mus vîf che no un dotôr muart