matrimoni
/-ò-/
ma|tri|mo|ni
[FO]
-
s.m.
union di un om e di une femine, o in timps resints ancje di om e om o di femine e femine, che si impegnin denant di une autoritât civîl o religjose e denant di dute la comunitât ae comunion de vite, al rispiet e ae fedeltât:
ducj i popui a àn vût ce fâ e ce dî ator dal amôr dal om e de femine, ator dal matrimoni come la font de vite (Francesc Placerean, Cuant che tal matrimoni al è l'amôr cristian, li al è verementri Diu);
là dal predi no voi, jo o vuei fâ il matrimoni civîl (Pieri Somede dai Marcs, La ultime firme de mê podestarie)
-
cerimonie li che si celebre chê union:
o vuei che al sedi il plui biel matrimoni che si vedi mai viodût a Cretevierte! (Roberto Ongaro, Cretevierte);
ce matrimoni… ce fiestone… ce vin! (Pieri Somede dai Marcs, Ursule)
Sin. gnoce
-
vite dai maridâts, relazion tra dôs personis maridadis:
il matrimoni dal fi dopo mai che al jere daûr a fruiâsi e la cjase si jemplave di garp (Maria Forte, Cjase di Dalban);
in cuarante agns di matrimoni no mi è mai capitât di dî une peraule in stuart cu la mê puare Mariane (Josef Marchet, Lis predicjis dal muini)
-
s.m.
lit., religj.
te Glesie Catoliche, sacrament che al santifiche la union tra om e femine
Proverbis:
- il mistîr dal matrimoni plui si lu fâs e plui si lu dispare
- il prin an di matrimoni o che si inmalisi o che si fâs un coni
- il prin an di matrimoni o inmalâsi o imbechîsi o indebitâsi
- l'om si lu cognòs in trê robis: tal zûc, tal matrimoni, tal test
- matrimoni bon, femine e om un pôc parom
- nol è nissun matrimoni che nol jentri il demoni
- prin dal matrimoni a son rosis e flôrs, po spinis e dolôrs
- se il matrimoni al fos stât un bon sacrament, sal saressin tignût i predis
- si cognossisi plui in cuindis dîs di matrimoni che no in cuindis agns di morosâ
- un matrimoni fra doi zovins al è un matrimoni dal Signôr, un matrimoni fra doi viei al è un matrimoni di mierde, un matrimoni fra un zovin e un vieli al è un matrimoni dal diaul