masculin
/-ìn/
mas|cu|lin
[AF]
-
adi.
dal gjenar o che al fâs part o che al rivuarde il gjenar che te funzion riprodutive al feconde e nol è fecondât:
lis rosis [dai urtiçons] a son a rap chês masculinis a 5 pics blancjitis, piçulis; lis infrutessencis femininis invezit, a son plui scjassosis des rosis masculins (Giorgio Pascoli, Il Litum: jerbis salvadiis te cusine)
Sin. maschîl
Var. mascolin
-
adi.
dai oms masclis, fat pai oms, tipic dai oms e v.i.:
ancje se al ven a mancjâ il «gettito di leva» masculin, o jemplarìn lis casermis cul «gettito di leva» feminin (Riedo Pup, Lis feminis in caserme);
lis finâls de Cope europeane di schi alpin, masculin e feminin, che a saran dai 8 ai 13 di Març (Sonia Sicco, La stagjon blancje)
Sin. maschîl
-
adi.
[TS]
gram.
che al à gjenar gramaticâl che al pues jessi presint intes lenghis in oposizion al feminin e al neutri:
un grum di tiarmins che a son masculins tal latin leterari, a son feminins par furlan o a ricontrari (Josef Marchet, Cuintristorie dal Friûl fin sot la Italie)
Sin. maschîl
-
s.m.
gjenar gramaticâl chel al pues jessi presint intes lenghis in oposizion al feminin e al neutri
-
s.m.
forme che e à chel gjenar:
un altri model morfologjic lu rapresentin i masculins di flession par -s (Zorç Cadorin, Cualchi ipotesi sul furlan di prin di scrivilu)