mari
ma|ri
[FO]
-
s.f.
femine, o ancje mascje di animâl, che e à fat un o plui fîs, come chei altris nons di parintât se si dopre cuntun possessîf nol è l'articul definît:
di piçul insù, merit di mê mari e gno pari, mestri di scuele, mi è parût simpri come la plui naturâl des robis di fevelâ par furlan cu la int (Adrian Cescje, Memoriis di politiche linguistiche);
none, la mari di mê mari, Filisse di Jacume, e jere une femenute piçule, deventade gobute cul lâ dai agns ma plene di vite (Pieri Menis, Il cuader de none)
-
tal discors diret al pues riferîsi ancje ae madone, ae mari dal om o de femine che si à maridât:
sì, o vês reson mari, perdonaitmi, e gracie di chel che mi vês dit, di ce che mi vês insegnât (Pieri Somede dai Marcs, Il prossim)
-
s.f.
titul des muiniis professis, ancje cuant che si indrecisi a une di lôr:
si sentìn tal so studi, dulà che e fâs biele mostre une sô foto cun mari Teresa di Calcute «Le vin fate tal 1989 in Armenie dulà che o jeri volontari», mi dîs (Christian Romanin, Amato De Monte: Il Friûl, patrie des bataiis di civiltât);
Par cui isal chel panadot? / Par jê, mari badesse. / Joi, ce bon panadin! / Par cui isal chel sopon? / Par jê, mari badesse. / Joi, ce sopin! (Zuan Nazzi Matalon, Ottorino Burelli, Sacheburache)
-
s.f.
[TS]
religj.
riferît ae Glesie tant che autoritât:
lis sôs veretâts, tant chês che a jerin intuizions sôs, come chês che a son patrimoni vieri de Sante Mari Glesie, lui lis insegnave no a base di definizions (Riedo Pup, La sigurazion des vacjis)
-
riferît a une plêf, che e je chê plui antighe e impuartante di une cierte zone:
il campanon di Mont, su la vecje tor de glesie mari di sant Laurinç, al veve la facoltât di distudâ i strieçs des striis fin dulà che e rivave la sô vôs fuarte e potente (Pieri Menis, Lis leiendis di Buie);
i muarts de plêf di Sant Martin, par vieri, ju soteravin su la mont di Sant Pieri a Zui, glesie mari dal cjanâl (Antoni Beline, Sant Jacum, là che al finìs il mont)
-
s.f.
(fig.)
origjin, cause di alc:
nus insegnin che Rome e je la mari de leç e che la Italie e je la mestre dal dirit a dut il mont (Josef Marchet, Cirî la caritât);
la religjon considerade la mari di dutis lis injustiziis sociâls e duncje di svinidrîle a ogni cost (Antoni Beline, La sentence di condane)
-
adi.
che al è di origjin, di divignince, di famee:
nol jere tant content di tornâ inte sô tiere mari (Franca Mainardis, Il sium di Lissandri)
-
de lenghe,che e je la prime imparade di une persone te sô vite o che e je chê proprie e identitarie di une comunitât:
la paronance di almancul dôs lenghis in plui de lenghe mari (Mario Dutto, Scuelis di cualitât e lenghis di minorance. Une riflession su la lenghe furlane intes scuelis);
la lenghe mari e je la lenghe des lidrîs, chês profondis che no àn di glaçâ mai, parcè che se al sucêt si fasìn ingloti de globalizazion che dut e nivele (Erika Adami, Il zûc de ocje in lenghe)
-
s.f.
[TS]
tecn.
stamp origjinâl:
e je stade cjatade une arcje di ete caroline, che i àn dite dal Oresin di Gonârs, che e veve dentri une mari di bronç, in forme di crucifìs, doprade di un oresin (Aministrazion Publiche, Gonârs - Insediament roman e langobart)
Sin. model
, prototip
-
s.f.
[TS]
burocr.
tai modui o biliets fats di dôs parts che si puedin dividi, la part che i reste a cui che al da fûr il modul o il biliet:
controlâ il numar de mari;
il blocut des maris dai biliets
-
s.f.
[TS]
fisiol.
orghin vascolâr tipic de plui part dai mamifars che al è aderent al utar e che al comuniche cul nassint cul cordon dal umbriçon
-
s.f.
[TS]
alim.
sostance componude di celulose e di bateris dal asêt che si poie o che e sta in sospension tal vin che al è daûr a deventâ asêt
-
s.f.
[TS]
bot.com.
part di dentri, ingjavade e vueide di ciertis pomis, li che a son tacadis lis semencis:
la mari de coce
-
s.f.
in espressions che a vuelin dî completece o ancje dome dâ enfasi:
usât a fâ nuie i puçave la vore, e dute la sante mari dal dì al steve covât inte ostarie (Catarine Percude, L'oseladôr);
a scugnivin lâ dute la mari zornade tai cjamps (Roberto Ongaro, Il muc);
o svangji, o semeni, o voi ator cui sborfedôr dute la mari de gnot [in sium]. Po mi svei, o voi par jevâ e no rivi nancje a tirâmi sù (Anonim, I nestris viei - Friuli nel mondo);
inte mari de gnot, cuntun scûr come in bocje, a dôs a dôs a metin il cjâf fûr de puarte (Ivano Urli, Storie di Vera)
-
in espressions riferidis a personis, che a àn une cierte cualitât o carateristiche in misure esagjerade:
Menaç l'à tirât vie a leiur la vite ai feudataris di Laipà, cun grant divertiment de glemonasse, la vere mari de curiositât (Giovanni Gortani, Lant jù pe Tresemane)
Polirematichis e espressions idiomatichis
Proverbis:
- contadin no stâ seâ parcè che la mari il fi e à di bagnâ
- cui che al vûl la fie che al cjareci la mari
- dai tu mari, capìs tu brût
- i fruts no disin: pari biel, mari biele; ma: dami alc in te scudiele
- il mês di Març i comprà la pelice a sô mari
- intant al murirà il diaul cun dute sô mari
- l'agnel umil al tete dôs maris, chel sofistic nancje la sô
- la gnot e je la mari dai pinsîrs
- la gnot e je la mari dal consei
- la mari dai predis no je mai muarte
- la mari dalose e fâs la fie pedoglose
- la necessitât e je mari da la industrie
- la pâs e je la mari de bondance
- lare la mari, lare la fie, lari chel che le puarte vie
- lis oris de matine a son la mari dai mistîrs, lis oris da la sere a son la mari dai pinsîrs
- maridaitlu: mari, daitlu!
- pachis di mari no fasin bote
- se tu vûs cognossi la fie, cjale la mari
- tâl la mari e tâl la fie
- un pari al manten dîs fîs, dîs fîs no son bogns nancje di mantignî une mari