mandât
man|dât
[AF]
-
p.pass., adi.
viôt mandâ
, viôt mandâsi
-
s.m.
incaric o ordin di fâ un alc di interès public o privât:
il popul, cussì, al è obleât a cedi la sô sovranitât a personis che magari nancje nol cognòs e che doman e governaran no daûr il mandât popolâr, ma daûr i ordins e lis diretivis di crichis nazionâls o internazionâls (Josef Marchet, …come che e diseve la gjate di Aquilee)
-
autoritât e ativitât che a derivin di chel incaric e dade di timp che al dure:
la regule e diseve che, spirât il secont mandât, la superiore no podeve restâ cun chês stessis muiniis (Antoni Beline, Diaspore in cjase)
-
s.m.
document scrit che al assegne un incaric o un ordin, soredut in riferiment al ordin di une autoritât judiziarie:
"Un soci dal Girlando ti à denunziât par omicidi e par rambe. O ai un mandât cuintri di te tal gno ufici…" "Ma sono mats?!?" (Sandri Di Suald, Ah! la provincie);
si fasin percuisizions domiciliârs cence mandât cu la violazion di ogni garanzie legjislative (Carli Pup, La seconde Irlande)
Proverbis:
- miôr un lât che no cuatri mandâts