Dizionari de Lenghe Furlane

mame  ma|me  [FO]

1. s.f. (fam.) mari, femine che e à un o plui fruts:  a misdì la mame ju clamave dal barcon che il gustâ al jere prontât su la taule (Alan Brusini, Come tai romançs); e je stade a cjatâ so nevôt Roberto e la sô mame Luisa e so fradi Bruno (Mario Beltramini, Jo e Graziella); «Creature, mê, sclopon gno, ven mo chi de tô mame…» (Meni Ucel, Tirâ sù fruts); Cemût stâstu vuê, mame? (Franca Mainardis, Aiar di cjase)
   Sin. mari
   
   1. (fam.) al pues jessi doprât ancje cence articul definît, come se al fos un non propri, o cence il possessîf, sotintindint cun cui che e je la parintât:  e mame?! Dulà ise mame? (Pieri Menis, Sul agâr); saludimi tant e tant la mame (Pieri Somede dai Marcs, Vilie di Nadâl (teatri))
   2. une volte, ancje cu la forme di rispiet dal vô:  hh, no impuarte, mame, daitmi ca vô: o ai finît subit (Anute Fabris, A passe la scalmane)
   3. ancje riferît a bestiis:  al ven incà il moment che il nît al è strent, si tache a sbatacolâ lis alis […] Ce fasie la mame uciele in chei moments? (AAVV, Sul florî); la mame gjate ju veve spostâts là, cuant che si jerin fâts plui grancj (Isa Dorigo, Al cricave il dì)
      Sin. mari

Proverbis:

• i fruts no disin papà biel e mame biele ma a cjalin se a 'nd è te scudiele