maie
ma|ie
[FO]
-
s.f.
tiessût fat a gucje, crossè o sim., o cuntune machine che e lavore dant un risultât de stesse sorte:
feminis sentadis su la puarte di cjase a gucjavin la maie (Alan Brusini, Come tai romançs)
-
ognidun dai singui ponts che a formin chel tiessût:
su la marine […] umign ruspiôs cul voli fer a cusin maiis di rêt sot dal puarti di ombrene (Dino Virgili, La aghe da pît la cleve)
-
tecniche di lavorâ i filâts par otignî chê sorte di tiessût:
savê lavorâ a maie
Sin. gucje
-
s.f.
toc di vistiari fat cun chel tiessût, o cun altris che a puedin someâsi par struture e elasticitât, che al cuvierç il bust e i braçs che pal solit si met parsore de cjamese o sot de gjachete o bessôl:
si sarès metude intor vulintîr une altre maie di lane (Carlo Sgorlon, Ombris tal infinît);
al tacà daurman a tossi, e lis lagrimis i spissulavin jù a messet cul sudôr. Ancje la maie e jere strafonde e il cussin e i bleons (Amedeo Giacomini, Tal ospedâl)
Cfr. maiute
, maion
-
s.f.
[TS]
sport
toc di monture sportive che e cuvierç il bust e in câs i braçs, ma che e pues jessi ancje cun maniis curtis o cence maniis, che e à simbui de scuadre e numar o non par distingui ogni zuiadôr:
par me e je stade une biele emozion meti sù la maie de scuadre plui impuartante de mê tiere (Christian Romanin, Dino Zoff: «O vin lidrîs buinis, o vin di tignîlis di cont»)
Sin. maiute
, casacje
-
s.f.
[TS]
stor.
sorte di protezion dai vuerîrs, e ciertis voltis ancje dai cjavei, fate di une sorte tiessût di anei di fier o di altri metal, doprade soredut te Ete di Mieç
Polirematichis e espressions idiomatichis