magjistrât
ma|gjis|trât
[AF]
-
s.m.
[TS]
stor.
inte antichitât classiche e inte ete comunâl, cjarie politiche o ufici public di struture individuâl o colegjâl di caratar eletîf e persone che e veve chê cjarie:
i comizis tribûts a eleievin invezit i triumvirs che a varessin diret lis operazions, che a saressin restâts in carghe par trê agns e ju sielzevin tra ex magjistrâts (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl);
intal 1672 i magjistrâts di Vignesie a tachin a vendi i bens comunâi par tirâ sot bêçs par l'Erari (Rino Gubiani, Studi da la evoluzion dal paisaç mediant i toponims)
-
s.m.
cui che al à autoritât jurisdizionâl di control e di justizie par cdn. des plui funzions:
i deputâts, a son, par leç, «gançâts» ai magjistrâts. Par la cuâl no covente che lôr a domandin auments di paie, baste che a decidin di cressi chê dai magjistrâts (Riedo Pup, A restin nome carabinîrs e predis)
Sin. judiç