judiç
/jù-/
ju|diç
[AF]
-
s.m.
cui che al judiche, che al à la autoritât e la funzion, ricognossude de comunitât e des struturis publichis, di dâ un judizi, di fâ une sentence:
i judiçs, ven a stâi la magjistrature, a son la Istituzion plui delicade dal Stât. E, cuant che e funzione, la plui impuartante (Riedo Pup, A restin nome carabinîrs e predis);
jo, sora di te, jai esercitât lis leçs come un judiç misericordiôs (Zuan Luîs Filli, Il farc)
Var. judis
, zudis
Cfr. magjistrât
-
s.m.
(estens., fig.)
cui che al à la funzion di dâ un parê, une valutazion:
Carlo Tolazzi, president dai judiçs [dal concors leterari], al à fevelât di sensazions contrastantis vudis inte edizion di chest an (Maurizio Biasizzo, Un bon Sant Simon)
Cfr. zurât
, valutadôr
, stimadôr
, esaminadôr
-
s.m.
[TS]
stor.
ognidune des vuidis politichis e religjosis che, di cuant che al è muart Josuè fin cuant che al è tacât il ministeri di Samuêl, a àn direzût il popul di Israêl