macet
/-èt/
ma|cet
[AF]
-
s.m.
cuantitât di rosis o ancje di altris parts di plantis cjapadis sù e tignudis adun, ancje leadis:
Nunziadine e tignive ben stret sul cûr un macet di violis (Arturo Feruglio, I stivâi di Zuan Batiste);
e poià tune tace un macetut di canelats cussì ros che al someave che a scjaldassin lis mans (Maria Forte, Varc di confin);
i oms ducj sudâts che a puartin i confenons e i standarts di sede cuntun grant macet di bos in ponte (Pieri Somede dai Marcs, Corpus Domini)
Sin. mac
-
(fig.)
cuantitât di robis dadis dongje come rosis:
la grant place de glesie e je dute un splendôr: lampadinis a macets, a festons, a arcs a àn imbastide une maraveose fantasie di colôrs (Pieri Somede dai Marcs, L'ultin cordo)
-
s.m.
cuantitât di rosis, di jerbe o di spîs cjapâts sù e peâts adun
