Dizionari de Lenghe Furlane

lunari  /-à-/  lu|na|ri  [AF]

1. s.m. sfuei o fassicul cun segnâts i mês dal an, lis setemanis e i dîs, ancje cun indicazions astronomichis, astrologjichis, agrariis, comerciâls, religjosis e v.i.:  cussì sin intindûts: trataitmi ben, / e jo da galantom cul mio lunari / us servirai da gnûf chest an cu ven (Pieri Çorut, Pronostic del 1821); ducj a lavin daûr la lune, i sants, i lunaris, e cussì al sucedeve che ducj a fasessin lis stessis voris plui o mancul tal stes timp (Carlo Sgorlon, Prime di sere)
   Sin. calendari
   
   1. (estens.) timp o zornade par fâ alc:  Dalban al stabilì il lunari des gnocis (Maria Forte, Cjase di Dalban)
   2. organizazion dal timp e des voris vie pal an:  Jacum al rivave a Spilimberc plui voltis ad an e tal so lunari a jerin sì i marcjâts plui impuartants, ma ancje al tignive cont de robe che al podeve vendi te stagjon (Angelo Covazzi, I miluçs)
2. s.m. (fig.) resonament o discors fantasiôs, no realizât o ancje impussibil di inverâ:  al cjalave fûr a lunc par chê sfese che al veve li da cjâf, cul pinsîr pierdût daûr cui sa ce lunaris (Dino Virgili, La aghe da pît la cleve); nus àn jempladis lis orelis di grandis peraulis e lis sachetis di lunaris! (Josef Marchet, Il cîl nulât)
   Sin. calendari , sium²

Polirematichis e espressions idiomatichis

• fâ lunaris loc.v.
• sbarcjâ il lunari loc.v.

Proverbis:

• intric al strolic a fâ lunaris
• la muart no à lunari