ledanâr
le|da|nâr
[CO]
-
s.m.
grum di buiacis e di patùs di stale che si tegnin a fermentâ te cort e lûc de cort li che al è chel grum:
da ad ôr de muraie di une bande e di chê altre a jerin i ledanârs alts che dopo plot a fumavin come vulcans (Pieri Menis, Lis çuculis dal Gjigjo);
une cjase a taco la altre. Ogni famee la sô stalute, cjôt, pulinâr, condot, ledanâr (Ivano Urli, Storiis di un secul di vacjis)
Sin. cort dal ledan
, cort
Var. ledamâr
-
s.m.
(fig.)
lûc, cundizion, situazion caraterizadis di sporc, cragne, in câs ancje morâl:
chê glesie che, a sun di oms [scjampâts de vuere] e di bestiis insiemi, e jere deventade un ledanâr (Alan Brusini, Come bestiis);
i clerics no vevin plui i voi dai superiôrs a controlâju e dut chel clime di spiritualitât a judâju su la strade de virtût ma si cjatavin esposcj tal ledanâr dal mont, là che a regnavin malicie, impuritât, materialisim (Antoni Beline, La fabriche dai predis)
