latin1
/-ìn/
la|tin
[FO]
-
adi.
che al è dal Lazi antîc o, par estension, dai Romans antîcs:
la assimilazion dai barbars ae civiltât latine (Adrian Cescje, Memoriis di politiche linguistiche)
Sin. roman
-
adi., s.m.
che, cui che al faseve part dal popul italic antîc logât tal Lazi, ancje cu la iniz. maiusc.:
i latins, dopo implantade la colonie militâr di Aquilee a deventarin i parons de Furlanie (Josef Marchet, Cuintristorie dal Friûl fin sot la Italie)
-
s.m.
lenghe indoeuropeane dal grup italic, fevelade intun prin moment dai Latins antîcs e daspò spandude cul domini di Rome e conservade ancje dopo de fin dal mont roman tant che lenghe eclesiastiche e di culture:
par latin torridus al vûl dî sec, arit, cence aghe (Checo Tam, Sense);
[fin tal prin Votcent] i cecs a studiavin intal liceu e inte universitât dome il latin e il todesc, se si cjaminave par Praghe si viodevin pardut scritis todescjis (Zorç Cadorin, Presentazion dal DOF piçul)
-
adi.
di chê lenghe, scrit in chê lenghe e v.i.:
no si pues imagjinâ la leterature latine cence chê greghe e nancje la leterature europeane cence i modei classics (Sandri Carrozzo, Pierluigi Visintin, Jentrade de Odissee)
-
chê lenghe e la sô leterature, tant che materiis di insegnament e di studi:
al preparave il concors pe catedre di latin e talian tal liceu (Carlo Sgorlon, Ombris tal infinît)
-
adi.
[TS]
ling.
di alfabet, che al dopre i caratars doprâts par tradizion te lenghe latine, in câs ancje cun modificazions o integrazions:
e je interessante la presince di cierts nons, scrits cun caratars latins, che a podaressin riferîsi a autoritâts celtichis (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl)
-
adi., s.m.
che, cui che al fevele une lenghe derivade dal latin:
[i todescs] a àn un sintiment miôr di nô latins cuant che si fevele di conservâ lis antichitâts (Checo Tam, La maree nere)