laterâl
la|te|râl
[AF]
-
adi.
che al è di une bande o di dôs bandis rispiet a un pont di riferiment o rispiet al centri:
[la glesie] e je di modon ros cuntun alt tor e dôs toretis laterâls (Checo Tam, Karl Marx Stadt)
-
adi., s.f.
di strade, che e partìs slontanantsi di une strade principâl o di riferiment:
la iniziative [la manifestazion] e à jemplât la Meridiana di Barcelone e lis stradis laterâls par passe cinc chilometris (Carli Pup, Paîs Catalans: manifestazion moltitudinarie pe indipendence)
-
adi.
(fig.)
che al à une impuartance o pertinence secondarie:
In cheste tierce part o frontìn un argoment " laterâl " ma pelôs: il rapuart fra Friûl e Triest te otiche de evoluzion storiche de cuistion furlane (Sergio Cecotti, La tierce cuistion furlane)
Sin. margjinâl
-
adi., s.f., s.m.
[TS]
sport
tal balon, zuiadôr che al zuie plui di dut tune fasse dal cjamp:
pal rest a son Silvestri in puarte, Walace tal mieç dal cjamp, compagnât di Arslan e Makengo, cui laterâi di mediane Molina e Udogie, e Beto e Deulofeu in atac (Marc Stolf, Cagliari - Udinese 0-4)
-
adi.
[TS]
bot.
di orghin, che al cres no insom, ma ben di bande dal fust:
lis fueis a son lanceoladis, ad ôr, oponudis e cuntun pecol curt; i manis a son rampants, drets ramâts; rosis: infloressencis in ponte e laterâls cun cetantis rosis a 5 pics blancs (Giorgio Pascoli, Il Litum: jerbis salvadiis te cusine)
-
adi., s.f.
[TS]
fon.
di consonante, articolade cu la ponte de lenghe sul palât, lassant passâ l'aiar des dôs bandis
Sin. licuide