jurisprudence
/-èn-/
ju|ris|pru|den|ce
[CO]
-
s.f.
dissipline che e studie il dirit e lis leçs
-
chê dissipline tant che materie di insegnament e facoltât universitarie:
mi soi laureât in jurisprudence e specializât in dirit comerciâl internazionâl (Valentina Pagani, Diego Travan: de planure furlane al cîl di Dubai);
par trê agns al à studiât jurisprudence a Padue (Alessio Screm, Cui jerial Luigi Garzoni?)
Sin. leç
-
s.f.
complès des normis, des leçs, des istituzions che a aministrin la justizie e des proceduris juridichis:
si à di dâ at a Beppino Englaro [...] di vê fat dut ae lûs dal soreli, tal rispiet de leç (ancje se la jurisprudence italiane no jere ancjemò pronte su chest teme) (Anna Bogaro, Eluana: rispietìn il dolôr dai Englaro)
-
s.f.
interpretazion des leçs che e risulte intes sentencis:
la gnove leç e met in vore il principi di tutele des minorancis lant daûr ae jurisprudence de Cort costituzionâl (William Cisilino, Gnove normative: i dubis che a restin)