invecjâ
in|ve|cjâ
[CO]
-
v.intr.
lâ indevant cu la etât, deventâ vecjo:
polvar su di me e sul me cuarp che al invecje (Checo Tam, Polvar);
a son passâts vincj agns e o soi daûr a invecjâ (Chiaretta Vida, Mê mari)
Sin. invecjî
-
de popolazion, cressi di etât medie:
la popolazion regjonâl e je daûr a invecjâ (Anna Bogaro, Illy: "Fâ unions di provinciis")
-
ancje di robis inanimadis, pierdi i caratars di novitât o lis buinis cundizions o la funzionalitât par vie dal passâ dal timp:
ancje i proverbis a invecjin (Gotart Mitri, Dulà vâstu sisilute…)
-
mostrâ tal aspiet che si è vecjos:
Nardine e jere invecjade, lis grispis i vevin arade la muse e cetantis lagrimis che a vevin supadis (Pieri Menis, Sul agâr)
-
v.intr.
di vins, aliments, materiâi, cuistâ ciertis cualitâts cul passâ dal timp, soredut in cundizions di lûs, temperadure e umiditât controladis:
al è stât cjapât pe gole dal savôr di un formadi locâl che il pari al veve comprât e lassât in bande a invecjâ (Serena Fogolini, Il "badant" des piecis di çuç di malghe)
Sin. stagjonâ
, stagjonâsi
, invecjâsi
, sesonâ
, sesonâsi
-
v.tr.
fâ che alc al cuisti ciertis cualitâts cul passâ dal timp, soredut in cundizions di lûs, temperadure e umiditât:
i tocs [di formadi] che no laressin ben par invecjâju, si masanin, si messedin cun lat, pane e pevar: cussì al nas il formadi frant (Sandri Carrozzo, Une regjon di cerçâ);
colôr: ros rubin une vore fuart cun sfumaduris ruanis, massime dopo che al è stât invecjât (Pieri Pittaro, Tacelenghe)
Sin. stagjonâ
, sesonâ
-
v.tr.
fâ someâ vecjo:
no veve grispis, ator pe muse, ma il façolet scûr che e doprave par involuçâsi il cjâf - fieste e dîs di vore - le invecjave istès (Raffaele Serafini, Altris contis di famee)
Sin. invecjî