intratignî
in|tra|ti|gnî
[CO]
-
v.tr.
fâ restâ par une dade di timp intun puest:
cu lis sôs cjacaris al mi à intratignût plui di une ore (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. tratignî
, stratignî
-
v.tr.
fâ passâ il timp in maniere legre o interessante o in mût di straviâ:
Utubar. Une volte si sfueiave / te grant cusine dal Ucel Disot, / che dute la borgade si ingrumave / pe vore, di stâ sù dute la gnot. / E intant de vore, Nando, Zuan de Nene, / Zebec a intratignînus cu lis lôr, / e il nono Bric a fevela di Viene, / e lis pulzetis a cjantâ di amôr (Meni Ucel, Il Strolic furlan pal 1987);
Daria Miani e Chiara Donada, che a intratignaran i fruts cun zûcs, contis e cjançons (Redazion La Patrie dal Friûl, “Maman!” su Telefriuli)
-
v.tr.
fâ che alc, soredut un dialic, un rapuart e v.i., al duri, che al ledi indenant cuntune cierte forme, che al esisti:
la leç 482 e je avonde clare intal segnâ la pussibilitât pai citadins di intratignî rapuarts cu lis aministrazions publichis intes 12 lenghis minoritariis elencadis dal art. 2 (Roberto Pensa, «Il furlan che al jentri a plen titul intai concors publics»)